Velkomen til Flesje Gard
Flesje Gard er eit fantastisk feriehus i heilt ved sjøkanten av Sognefjorden i Balestrand. Huset har blitt designet og bygget av gardseigar Rune Andersen, og har høg standard på alt av materialar og interiør.
Her bur du tett på sjøen, med eiga skjerma båthamn. Heilt usjenert og stille – og med unntak av hovudhuset er det over 400m til næraste naboar.
Huset er laga for å ‘puste’, utan bruk av plast i konstruksjonen.
Huset har to romslege soverom med tilhøyrande bad. Begge soveromma har luftkjølingsanlegg. Eit velutstyrt kjøkken innbyr til matlaging, samvær eller bare en rolig start på dagen med en kopp drypptraktet kaffe. Her er det steikeovn og kombidampovn og vinskap.
I samarbeid med restauranten til Kviknes Hotel kan vi også tilby catering til våre gjester. Og vel så spennande; at ein privat kokk kjem hit og steller til, og server dykk maten i feriehuset. Vi treng då i utgangspunktet at bestilling skjer minimum 10-14 dagar før opphaldet.
Vår Axopar 28 Day Cruiser kan etter nærare avtale leiges av erfarne båtfolk med båtførarbevis, eller det kan bookes utfluktar med båt og kaptein der eksklusive opplevinger står i fokus.
Historie
Huset ligg på garden Flesje i Balestrand. Fram til sist på 1600-talet var Flesje ein del av grannegarden Tue. I 1692 vart Hans Blix fut i ytre Sogn, og han bygde opp Flesje til futebustad. I 1774 kjøpte militærkaptein Jacob Meidell garden, og ætta hans åtte staden like fram til 1951. I 1948 kom Nils og Jenny Tenningås til Flesje, og i 1951 fekk dei kjøpa garden. Dei slutta med stølsdrift i 1953, og fruktdyrking vart etter kvart ei viktig næring. Nils og Jenny var dei første bøndene som åtte Flesje sidan 1685.
I 1990 var garden seld til Rune Andersen som er den noverande eigaren. Rune er utdanna sivilingeniør, og har ved sidan av å drive sitt eige rådgivingsfirma brukt mykje tid på å setta i stand bygningar og uteområde på garden.
